ບໍລິສັດ ອະທິຣາດ ຈໍາກັດຜູ້ດຽວ ແມ່ນບໍລິສັດທີ່ໃຫ້ບໍໍລິການໃນຫຼາກຫຼາຍຂະແໜງການ ທີ່ເປັນຂອງຄົນລາວ ແລະ ຕັ້ງຢູ່ປະເທດລາວ.ການບໍລິການຂອງພວກເຮົາແມ່ນເລີ່ມຕົ້ນໃນປີ 2007 ເຊິ່ງໃນເວລານັ້ນແມ່ນເປັນການບໍລິການແບບອິດສະຫຼະທີ່ດໍາເນີນໂດຍຄົນຜູ້ດຽວ ແລະ ໃນເວລາຕໍ່ມາແມ່ນໄດ້ກາຍເປັນທີມງານທີ່ປະກອບດ້ວຍບຸກຄົນທີ່ມາຈາກຂະແໜງການຕ່າງໆ.

ເພື່ອທີ່ຈະກ້າວໄປຂ້າງໜ້າ, ພວກເຮົາໄດ້ສ້າງຕັ້ງ ບໍລິສັດ ພາຍອະເນຍ ບໍລິການແປພາສາ ຈໍາກັດຜູ້ດຽວ ໃນປີ 2017 ໂດຍຈຸດປະສົງຫຼັກແມ່ນເພື່ອສະໜອງການບໍລິການແປພາສາໃຫ້ແກ່ລູກຄ້າພາຍໃນ. ໃນອີກສອງປີຕໍ່ມາ, ໄດ້ມີການເພີ່ມກິດຈະການ ແລະ ໄດ້ມີການປ່ຽນຊື່ບໍລິສັດເປັນ ບໍລິສັດ ອະທິຣາດ ຈໍາກັດຜູ້ດຽວ.

ນັບແຕ່ມື້ສ້າງຕັ້ງ, ພວກເຮົາໄດ້ຊ່ວຍອົງການຈັດຕັ້ງຕ່າງໆໃນການພັດທະນາ ແລະ ນໍາໃຊ້ຄວາມສາມາດຂອງເຂົາເຈົ້າຢ່າງເຕັມທີ່ ໂດຍການເພີ່ມຄວາມຮູ້, ປະສົບການ ແລະ ທັກສະຂອງພວກເຮົາທີ່ມີຄວາມສະເພາະເຂົ້າໃນທຸລະກິດຂອງເຂົາເຈົ້າ.

ເປົ້າໝາຍຫຼັກຂອງພວກເຮົາແມ່ນຮຽບງ່າຍ ແລະ ກົງໄປກົງມາ. ພວກເຮົາຕ້ອງການຊ່ວຍທຸລະກິດພາຍໃນຂະຫຍາຍໂຕທັງໃນພາຍໃນ ແລະ ຕ່າງປະເທດ. ໃນທາງກັບກັນ, ພວກເຮົາຕ້ອງການຊ່ວຍທຸລະກິດຕ່າງປະເທດເຂົ້າມາສູ່ຕະຫຼາດລາວທີ່ຍັງບໍ່ຄ່ອຍເປັນທີ່ຮູ້ຈັກໃນວົງກວ້າງຫຼາຍປານໃດ.

ພວກເຮົາຕ້ອງການເປັນຈຸດສູນກາງທີ່ສາມາດໃຫ້ບໍລິການແບບປະຕູດຽວແກ່ລູກຄ້າ.

ການໃສ່ໃຈລູກຄ້າ, ຄວາມໂປ່ງໃສ, ຄວາມຊື່ສັດ ແລະ ການຮັກສາຄວາມລັບແມ່ນຄ່ານິຍົມຫຼັກຂອງພວກເຮົາ.